ಚಿತ್ರೋತ್ಸವದ ರಾಯಭಾರಿ

ಪ್ರಕಾಶ್ ರಾಜ್

ಪ್ರಕಾಶ್‌ ರಾಜ್‌ ಬಹುಭಾಷಾ ಜನಪ್ರಿಯ ನಟರು. ಕನ್ನಡ ಸೇರಿದಂತೆ ಭಾರತೀಯ ಚಲನಚಿತ್ರರಂಗದಲ್ಲಿ ತಮ್ಮ ನೈಜ ಅಭಿನಯದ ಮೂಲಕ ರಾಜ್ಯ, ರಾಷ್ಟ್ರ ಪ್ರಶಸ್ತಿ, ಪುರಸ್ಕಾರಗಳ ಪಡೆದು ಸುಪ್ರಸಿದ್ಧರಾಗಿ ಜನಮನ್ನಣೆ ಗಳಿಸಿದವರು. ಯಾವುದೇ ಭಾಷೆಯ ಎಂಥಾ ಪಾತ್ರಗಳಿಗೂ ತಮ್ಮ ಬಹುಮುಖ ಪ್ರತಿಭೆಯಿಂದ ಜೀವ ತುಂಬಿ ನಟಿಸಬಲ್ಲರು. ನಟನೆಯ ಹೊರತಾಗಿಯು ಚಲನಚಿತ್ರ ನಿರ್ದೇಶಕರಾಗಿ, ನಿರ್ಮಾಪಕರಾಗಿ, ರಂಗಕರ್ಮಿಯಾಗಿ ಮತ್ತು ಉತ್ತಮ ಸಮಾಜ ನಿರ್ಮಾಣದ ಆಶಯದೊಂದಿಗೆ ಸಮಾಜಮುಖಿ ಚಿಂತಕರಾಗಿ ಹಲವಾರು ಜನಪರ, ಜೀವಪರ ಕಾರ್ಯಗಳಲ್ಲಿ ಸಕ್ರಿಯರಾಗಿದ್ದಾರೆ.